गन्तव्य

by कोपिला अधिकारी | Sep 18 2024

Share:

म बुझ्न खोज्छु, उसका आँखाका आशाहरू असङ्ख्य वेदनाका गाथाहरू मलाई थाहा छ्रैन, म कतिको उसलाई पढ्न सक्छु मलाई लाग्छ उसको आँखाले केही भन्न खोजे झैँ प्रत्येक शिक्षिकामा ऊ आमा खोज्छ, शिक्षकको हात समाउँदा उसले बुवाको स्नेह भेट्छ ।
 

बर्खामा असिनाले चुटेर बगेको 

भेल बाडी  झैं 

उसको बुबाले बगाएको पसिनाले 

ऊ आएर यस विद्यालयमा 

कतै टोलाइरहेको छ,

कसैले बोलाउने आशामा

कसैलाई बुझ्ने भावमा ।
 

निरन्तर बुझ्ने र बुझाउने प्रयासमा 

लागेका हामी, 

थाहा छैन कतिको सफल भयौँ

या असफल,

छैन पहिले झैँ रबाफ उसँग,

भनौँ के?

 सम्झाऊँ कसरी ?

छैन यसको जवाफ मसँग ।
 

कारण असङ्ख्य होलान्

अनि मौनता पनि,

प्रत्येक दिन झोलाको भारसँगै

ऊ भासिएको छ,

चाहेर होस् या नचाहेर

यस विद्यालयसँग ऊ गाँसिएको छ ।

म ढुक्क छु,

एकदिन उदाएको सूर्यको प्रकाशझैँ

ऊ आफैँमा उदाउने छ ,

यहि हो मेरो संसार, कर्तव्य र

जिम्मेवारी भनि

उसले आफ्नो मन बुझाउने छ ।
 

ऊ कुद्छ, नसके हिँड्छ

त्यो पनि नसके घस्रन्छ

तर ऊ गन्तव्यमा पक्कै पुग्छ,

त्यो काँधको भार कतै बिसाएर,

मनमा शिक्षकप्रति माया मिसाएर,

मलाई आशा छ,

ऊ उडेर भएपनि पुग्नेछ

ऊ आफ्नो निर्धारित गन्तव्यमा 

पक्कै पुग्नेछ ।

Related Posts

Invitation and Registratiom form for 31st Inter School IGP Football Running Trophy 2082.
फुटवल प्रतियोगिता तथा बैठकमा सहभागी हुने बारे
नेपाल पुलिस स्कुलको एप प्रयोग गर्ने सम्वन्धमा

Contact

Navigate

Location